पालघर विभागात पैठण,भुसावळ स्वारगेट पुणेसाठी पाच 
प्रतिनिधी राजू पागी पालघर पालघर पैठण,भुसावळ स्वारगेटपुणे साठी
महाराष्ट्र राज्य मार्ग परिवहन महामंडळाच्या पालघर विभागात पाच नव्या एसटी बस दाखल झाल्या आहे यापैकी एक बस स्वारगेट, दोन पैठण व दोन भुसावळसाठी सोडण्यात येणार आहेत. त्यामुळे लांब पल्ल्याच्या प्रवाशांचा प्रवास आनंददायी होणार आहे.
पालघर आगारात पाच नवीन बस सेवेचा लोकार्पण करण्याचा कार्यक्रम मंगळवारी पालघर बस स्थानकात विभाग नियंत्रक कैलास पाटील यांच्या हस्ते पार पडला. 14 वर्षांवरील झालेल्या जवळपास 12 गाड्या काळबाह्य होणार आहे
पालघर आगारात लांब व स्थानिक पल्ल्याच्या 68 बस गाड्या कार्यरत असून त्यापैकी 26 गाड्या या लांब तर उर्वरित केळवे, माहीम, सातपाटी, मनोर, खारेकुरण, बोईसर व इतर स्थानिक फेऱ्यांसाठी वापरल्या जातात.
राज्य परिवहन महामंडळाच्या बसने अधिक सुरक्षित, आरामदायक आणि पर्यावरणपूरक प्रवासाचा अनुभव घेण्याचे आवाहन राज्य महामंडळाकडून करण्यात येत असते. नागरिकांच्या सोयीसाठी पालघर आगाराकरिता 30 गाड्यांची मागणी केली असून उर्वरित गाड्या लवकरच दाखल होणे अपेक्षित आहे.
