शवरब कामडी / प्रतिनिधी – दक्ष पोलीस वार्ता , मोखाडा
तालुक्यातील आसे ग्रामपंचायत मधील भोवाडी येथे गावदेवी निमित्ताने जंगी कुस्ती स्पर्धा आयोजित करण्यात आली होती या स्पर्धेत शेकडो पहिलवान सहभागी झाले होते.
मोखाडा ,जव्हार, त्र्यंबकेश्वर, इगतपुरी, तसेच धुळे व ठाणे शहरातील तालुक्यातील देखील नामवंत पहिलवान यांनी आपला खेळ दाखवला.
यावेळी शुभेच्छा देताना तालुका प्रमुख श्री अमोल पाटील यांनी सांगितले की कुस्ती हा ग्रामीण भागातील लोकप्रिय खेळ आहे या खेळामुळे शरीर तंदुरुस्त राहते तरुणांनी अधिक सहभाग घेतला पाहिजे.
तसेच मोखाडा पंचायत समिती चे उपसभापती श्री प्रदीप वाघ यांनी सांगितले की आसे भागातील खेळाडू व आयोजन समितीचे सर्व सदस्य यांनी सुंदर नियोजन केले आहे, मोखाडा तालुक्यातील खेळाडू राज्य पातळीवर कुस्ती खेळला पाहिजे, तरुणांनी चांगला सराव केला पाहिजे व कुस्ती खेळला प्राधान्य दिले पाहिजे असे मत श्री प्रदीप वाघ यांनी व्यक्त केले.
या स्पर्धेत लहान पहिलवानांचा खेळ सर्वांनाच आकर्षित करत होता.बक्षीस म्हणून बोकड,शेळी व पोल्ट्री चे ससे ठेवण्यात आले होते तसेच मोठी कुस्ती साठी पाच हजार पाचशे पंचावन्न रुपयांचे बक्षीस होते.
यावेळी प्रमुख पाहुणे म्हणून मोखाडा नगरपंचायत चे अध्यक्ष तथा शिवसेना तालुकाप्रमुख श्री अमोल पाटील, पंचायत समिती सभापती श्री भास्कर थेतले, उपसभापती श्री प्रदीप वाघ,
माजी पंचायत समिती सदस्य श्री वामन माळी, श्री नवसु थेतले, श्री महेश चोथे,श्री नंदकुमार वाघ, श्री विठ्ठल गोडे, श्री भाऊ भोईर , ईश्वर खोकाटे,इत्यादी पदाधिकारी उपस्थित होते.
गावदेवी कुस्ती स्पर्ध चे आयोजन श्री ईश्वर बांबरे, नवश्या पाघारी, सुनील धोंडगा, देवीदास धोंडगा, संदीप पाघारी, तुळशीराम बांबरे,नवशा दिघा,बच्चु दिघा,वंसत पढेर, वामन नडगे, सुरेश धोंडगा, तुळशीराम पाघारी इत्यादी कार्यकर्त्यांनी यशस्वी आयोजन केले.
साजिद शेख
मुख्य संपादक – दक्ष पोलीस वार्ता
संपर्क :- 98221 17037 / 98228 17037
